2nd /Dec/2018
Sidoo
kalena, waxa in badan dhagahayaga soo gaadhayey hadallo xanaf leh, kuwaasoo
ujeedooyinkoodu abuuraysay, tacluus, taws, cunfi iyo xumaan, waxaana muhiim ahayd inay
illaaliyaan ficiladda ay qaadayeen dareenadda maskaxdoodu, isla markaana, waxa
haboon in tamarta hadalladaas ay u isticmaalaan inay ku baabiiyaan awoodaha
dadaaladda aan faa’iidadda inoo lahayn ee ay isku dayayeen dunidu, taasoo, wax weyn ka tari lahayd inay u
hoggaasanaadaan qawaaniinta iyo himiladda uu hiigsanaynayey markabkaas aanu
saarneyn.
Inkastoo
ay fiican yihiin dadka aaminsan fikraddaha caqli galka ah ee ujeedadoodu
wanaagsan tahay, haddana, waxa ka sii
fiican dadka anshaxa iyo akhlaaqada leh, sababtoo ah, hadallada wacani waxay kobciyaan oo ay wanaajinta
iskaashiga xidhiidhka bulshada iyo qalbiyadda aadamaha.
Hadalku
waa farshaxan u baahan in laga fiirsado heerka miisaanka erayadda fariimaha uu
xanbaarsan yahay in ay yihiin, kuwo run ah, wax-tar leh, lagana dheehan karo kal-gacal ay ku la’dhan yihiin fikrado wanaagsan,
isla markaana loo meel dayey goobtii ay ku haboonaayeen iyo wakhtigii ay ku haboonaayeen.
Wakhti,
ay neefsasho mooyaane aanay jirin wax sanqadh ah, oo ay wada aamusan yihiin
dhamaan dadkii saarnaa markabkaas,
ayaanu maqalnay dhawaaq cod khafiifa oo
ka soo baxaya sida, god biyo ay ku dhex jiifaan oo kale, oo aad
moodo codka taaha, dadka qaba
xanuunnada haggaasiya fahanka nolosha,
ee ay keenaan, cidhiidhiga iyo rajo la;aanta muddo dhaaftay.
Haddaba,
si aynu taasi u fahamno, waxa tusaale inoogu fillan, haddii aynu si toos ah labadeena gacmood
baabacaddooda mid ka mid ah u dul saarno qalin, muddo 5-daqiiqadood ah, dhibaato ah ma’laha, laakiinse, haddii aynu
ku hayno in uu dul saarnaado qalinku baabacadda, muddo 48-saacaddood ah, shaki kuma jiro taasi, in aynu dareemi doono kabuubyo iyo xanuun badan, isla
markaana, gacantii qalinku dul saarnaa muddada dheeri ay qalali doonto.
Run
ahaantii, waynu wada ogsoonahay in
qalinku aanu lahayn wax culeys ah, laakiise, ay wax-yeeladdaasi ka timid muddadii dheerayd ee qalinku saarnaa
baabacadda dusheeda, haddaba, marka aynu eegno,
xanuunnada haggaasiya fahanka nolosha ee inta badan hayey dad badan oo
saarnaa markabkaas, waxa sabab u ahayd
mudaddii dheerayd ee ay ku jireen cidhiidhiga iyo rajo la’aantu. …… la
soco ..
Qalinkii/
Qoraa: Maxamed Faarah Qoti
No comments:
Post a Comment
Mahadsanid