Monday, December 29, 2014

ODDOROSKA NAYRUUSKA SANNADKA CUSUB EE 2015 Q/2-aad

ODDOROSKA NAYRUUSKA  SANNADKA CUSUB EE 2015

Q/2-aad

Qoraa:- Dr. Maxamed Faarax Qoti (Astrologist)      28/Dec/2014, Q/2-aad


Habeenka curashada Sannadka  cusub ee 2015 dayaxu wuxuu fadhiyey burjiga lamaanaha ee hawaa’iga ah, - dayax tobnaad waa la sharaynsan jiray waxaana la fili jiray dayax madoobaad, waxa la filan jiray  inay maalmahani leeyihiin shucuur isbedel dhakhso ah oo ku yimaada qalbiyada dadka, dabacsanaan iyo koradhka Xawaaraha fikirka, waxa kaloo la arki jiray dabaylo, duufaano, daadad, shimbiraha  iyo Ayaxa oo  bata, awoodda salaadiinta, ganacsiga kalluunka oo yaraada.

dadka habeenkaa dhasha waxa la odhan jiray waa dad bulshaawi ah oo hadalka jecel, kuna mashquulsan mustaqbalkooda iyo  fikradaha cusub, had iyo jeerna leh  degdeg badan oo xamaasadi ku jirto, oo ka walaaca  hawadooda iyo doorashadoodana, umana qaalibna shuraakaddu,  waa kuwo loo arko aamin iyo daacadnimo, in kastoo intooda badani ay yihiin kuwo daacada,
Waxaanay noqdaan : macalimiin, Iibinta, Qoraalada soo bandhiga oo Been-abuura, sii hayaha xilka, Horumarinta  alaabooyinku,  Saxaafadda , war-baahinta, Raadiyaha  iwm.

Burjigan lamaanaha  ee hawaaiga ahi waxa loo eegaa wejiyo badan, dhinaca, madadaalada, xiisaha, dhiirrigelin, sinaanta ,waana mid u wanaagsan guurka, ka warhaynta baahida qoyska  iyo inuu leeyahay saaxiibo badan oo heegan iyo feejignaan ugu jiraan.

Sannadkan Cusub waxa loo eegi jiray dhinaca hawlaha, Fikirka, bogsashada,  iska warqabid, dhabar-adayg, helida fursaddaha, doorasho miyir qabta  iyo Salaadda, lagana yaabee in la dareemo  nabad iyo deganaansho,  waxa kale oo lagu sheegi jiray waxoogaa inay adkaato arrimaha  dibaddu,  isgaadhsiinta oo horumar laga gaadho,  la arkee inay si fudud hoos ku yimaado nidaamka fikirka iyo mowjado tamarta  ee dhulka , waxaana loo baahan yahay in la dedejinta xawliga isgaadhsiinta.

Waxa sidoo kale adkaan doonta iska caabinta xagjirka  haddaladooda iyo fikirkooda, kuwaasoo ku raadiya hab aan  macquul ahayn inay ugu tartamaan awooda sare iyo in fikrado cusub la dareemi doono  taasoo ay  sabab u tahay macluumaadka  horumarka qalabka casriga ee aduunku gaadhay.

Waxa kale oo la filan jiray qas iyo duufaano lama filaan ah daadad  baabiiya  khayraadka qaaliga ah,  xilliyada qorax madoobaaku uu dhaco, haddaba si loogaga diyaar garoobo  waa in laga sii fikiraa  habkii iyo farsamadii  lagu maareyn lahaa, wakhtiyadan waxa haboon in la sameeyo  jimicsi iyo in la kobciyo midhaha cuntada tamarta ee ka soo baxa dhulka,  sida;- Lawska, midhaha la miiro, khudaarta, iyo in la cabo biyo saafi ah.

Nayruuska Sannadkani wuxuu ku curtay maalin khamiisaad oo naari ah, waana maalinta shanaad, waxaana la odhan jiray maalin khamiisaad waxay leedahay  u fiican tahay nasiibka, korodhka, safarka masaafada dheer leh, waxa kale oo bata wararka la isla dhex-maro, naxariistuna way badataa.
Sannadka waxa la filan jiray  soo noolaanshaha heerka maareynta macluumaadka,  koradhka qalabka farsamooyinka casriga ah, Aaladaha loo isticmaalo kaydinta, qoraalada,  isgaadhsiinta gacanta, iyo in la arko dawooyinka dadka fooljari ah, arrinkan waxa lagaga hortagi karaa horumarinta wacyigalinta  bulshada, iyo in la siiyo fursad lagu dhagaysto oo lagu maqlo codkooda.

Sanadkani wuxuu  leeyahay Laba Jid;-  ka hore wuxuu ahmiyad weyn u leeyahay aadamaha, waana  horumar wadareed iyo isbedel wanaagsan oo horseed u noqon kara dhabada dajinta, deeqsinimada, nabad, wada noolaansho.
Jidka labaad; - Wuxuu  leeyahay qof jeclaysi,  jirrabaadka, bakhaylnimo, helitaan- dhaqaale, tartanka iyo gardarada, Inta badan waxa la arki jiray ciidan hoose, diidmo lagana yaabee inay ka abuuranto cudur ay kaga  faa'iidaysanayaan  isbedelka deg deg ah.  Runtana Allaa Og.

Haddaan la xoojin go’aanadii hore loo gaadhay,  waxa dhici jiray inay mudo dheer ay ku qaadato Dajinta nabada gudaha iyo wada noolaanshuhu,  Sidaas darteed dhaqdhaqaaqa loolka labada jiho ka toggan iyo ka Taban ee  sannadkan waxa haboon in laga cabsado fikradaha xooga badan ee dhinaca salaada, akhlaaqda, falalka, go’aanada  iyo in aanay noqon doorashooyin kuwo kala duwan,  laakiinse la qeexo  ahmiyadda dhaqdhaqaaqa mustaqbalka, lana dadajiyo wada- fadhiga, aamusnaanta inta ka horeysa ka fikirka doorasho muhiim ah, dhageysiga hanuunka gudaha iyo dibada,  habka mabda nafta iyo isticmaalida maskax miyir qaba in lagu gaadho.
Sannadkan uma fiican ku xidhnaanshaha Hay’adaha Dibadu  (amniyaatku) inkastoo la fili jiray inay wax u hagaagaan kuwa ka shaqeeyaa  (sida bangiyada, shirkadaha caymiska, iyo dawladaha)  Waxaana  muhiim ah in la muujiyo  cadaalad,  sinaanta bulshada,  la arkee shaqsiyaad xoog  wax ku doonaya  iyo in ay yaraan doonto  Illaha  dhaqaalaha dibadda oo ay kordhi doonto khayraadka gudaha.
Waxa haboon wakhtiga soo socda in loo fiirsado dadka tukada  intooda badan hadday suuro gal tahay  in loo sheego afkaar wanaagsan iyo inay salaadu bogsiiso dhamaan qalbiyada buka ee  dadka lagan hello  tamar  togan iyo hanuunka nafta.

Sannadkani  waxa kale oo loo nisbeeyaa  inuu leeyahay abuurid safar loo dhaqaaqay  horumar wadareed  oo loo dhan yahay  dhinaca dowlada,  taasina waxay sahli doonto iswaafajinta safarka iyo guurka.

Ha loo duceeyo xasiloonida degenaanshaha dibada lagana yaabee in la arko jawi deggan oo gudaha ah iyo bilowga horumar wanaagsan oo midho dhala, Runtana Allaa Og.

Dhinaca saadaasha  waxa  gun dhig u ah kala fadhiga meerayaasha  uu ku curtay Sannadkan cusub ee 2015.


Meeraha  Jilboole   wuxuu  fadhiyaa sannadkan burjiga 10-aad  oo arliya ah,waxaana ugu danbeysay burjigan   29 bishii 11-aad  sannadkii 1982,  illaa iyo 17-kii bishii 11-aad, 1985-kii,  waxaanu mar kale uu ku hakan doonaa burjigan bisha 11-aad  ee sannadka 2041. Hadduu Alle yidhaa.
wuxuu dareensan yahay baa la odhan jiray oo uu doonayaa  inuu ka nasan doono caqabadihii adkaa ee ka  horyimid labadii sannadood ee la soo dhaafa, waxaanu fursad u heli doonaa  oo uu ku hawlan yahay inuu saxo xidhiidhka qorshihiisa shaqo, ka dibna wuxuu u gali doonaa safar  halkaas oo uu ku nagaan doono  burjiga scorpion ee maa’iga ah iyo burjiga naariga ah bisha lixaad iyo sagaalaad ee sannadkan,  lagana yaabaa inay ka sii fiicnaanto  shaqadii la qabtay sadexdii sannadood ee la soo dhaafay, lana gaadho  ujeedo midho-dhala  ah iyo  taageero Toggan.Runtana Allaa Og.

Waxa kale oo uu  ka fikirayaa siduu kor ugu qaadi lahaa, wuxuu doonayo ee uu jecel yahay iyo inuu  talaabo ka qaadi doono  ujeeddada  dhameystirka aragti sare ee haddafka maskaxda qaranka......................la soco qaybta 3-aad

Sunday, December 28, 2014

ODDOROSKA NAYRUUSKA SANNADKA CUSUB EE 2015 Qaybtii 3-aad

ODDOROSKA NAYRUUSKA  SANNADKA CUSUB EE 2015

Qaybtii  3-aad

Qor/ Dr. Maxamed Faarax Qoti (Astrologist)      28/Dec/2014, 

Waxa kale oo uu  ka fikirayaa siduu kor ugu qaadi lahaa, wuxuu doonayo ee uu jecel yahay iyo inuu  talaabo ka qaadi doono  ujeeddada  dhameystirka aragti sare ee haddafka maskaxda qaranka.

Meeraha mercury, (Libdhe) ayey soomaalidu u taqaanaa, waana meeraha ugu dheerayaa meerayaasha  kaasoo sannad kasta ku soo wareegaa saddex illaa iyo afar jeer, waxaanu gali doonaa burji libra bisha siddeedaad iyo bisha Tobnaad ee sannadkan, ujeedadda  dhaqaaqa garabaha cagihiisa  ee  labada bilood ee sannadkan,  wuxuu ku hawlan yahay, ganacsiga, socdaalka,  ka fikirka nidaamka, dib u cusboonaysiinta,  si kastaba ha ahaatee, wuxuu ka fikirayaa inuu sameeyo dariiq cusub  isagoo hoos u dhigaya wax kastoo uu  qabanayo,  ka dib markay u buuxsanto  tamartu, waxaanu  taageero cad oo buuxda siin doonaa kuwii xidhiidhka dhow  uu la’lahaa  wakhtiyaadkii la soo dhaafay,  waxa kale oo uu dib  u xalin doono  is faham la’aantii jirtay,  socdaalkiisa ka dib wuxuu ku hakan doonaa burji naariya ee  miisaanka waana burjiga dublamaasiyadda, waxaanu diirada ku haya waxyaabo badan oo muhiima, bisha sagaalaad iyo bisha tobnaad ee sannadkan.

ka dibna waxay kulmi doonaan  Meeraha Mars  bisha 11-aad ee sannadkan iyo bisha kowaad ee sannadka  2016,  waxaanu ka caawin doonaa, oo uu siinayaa  maskax-cusub oo lagu gaadho nabad iyo wada noolaansho, Meeraha Mars oo galid doonaa burji maa’iya ee casaanyada, waxa la filan jiray dayax madoobaad.

Meeraha mushtar waana meeraha mas'uul ka ah safarka, maskax furnaanta, balaadhinta heerarka waxbarasho, waana meeraha  nasiib wanaagsan waxaana loo tiriyaa dhinaca, wacyigalinta caalamiga ah, hindise fikradeed, luqaddaha, dhaqanka, siyaasadda, sharciyada, diimaha, warbaahinta, iwm.

Meerahani  wuxuu ku jiraa  burjiga  Asad  isagoo kusii jeeda  burjiga Dabooje  bisha sideedaad ee sannadkan illaa iyo bisha sideedaad ee sannadka 2016,  waxa la odhan jiray,  waxay  saameyn ku leedahay adkaanta gudashad tayada awooda shaqo, Isku haleyn, Toosnaanta, Qiimeynta dadka kale,  Tayada  awooda caafimaadka iyo sidoo kale awooda saaridoono  in la cadeeyo baahiyaha jira sannadkan 2015.

Meeraha Mushatar  iyo Meeraha Mariikh  waxay ku kulmi doonaan burji Asad  bisha Sideedaad ee sannadkan,  kulkaas waxay kawada shaqeyn doonaan sideeda bilood ee soo socotaa shaqo adag, oo ku dhamaata dhameystir wanaagsan iyo inuu taageero u fidin doono dadka ku xeeran.

Meeraha Mushtar  iyo Meeraha  ilimaqabatiga  kulan kooda  bisha 11-aad ee e sannadkan iyo bisha shanaad ee 2017,   waxay soo bandhigi doonaan  fursado lagu abuuro wax badan.   

Meeraha Raage  oo fadhiya  burji  Naari ah ee fushade  wuxuu  ka faa’ideysanayaa xawaaraha dardar galinta isbedel doonka iyo inuu sameynayo isbedelka kacdoon oo qoto dheer, Meeraha Pluto oo isna u socdaali doona burjiga Orgiga  bisha saddexaad ee sannadkan.

Waxa la odhan jiray,  wuxuu inagu xujaynayaa in hab cusub loo maro xalinta,  dayactirka, iyo hirgalinteedaba iyo inuu aaminsan yahay in xidhiidhka dabacsan oo dublamaasiyadeed ay  abuurto nabada iyo wada noolaanshaha, in kastoo ay caqabad  kala kulanto madax adaygii soo jiitamaayey illaa iyo badhtamihii 2012,  taasina waxa loo aanayn jiray  sadexda bilood ee sannadkan, labda Meere ee  Raage iyo  Pluto, laga yaabee inay abuuranto  wax-hore oo tagay oo aan loobab baahnayn, waxaana haboon in arrimahaas  jiho cusub loogaga diyaar garoobo, waana muhiim  xalintoodu,  inkastoo meeraha Jupiter iyo  Uranus ee bisha lixaad uu ka caawinayo tijaabada  nidaamka  xidhiidhka dhaqanka iyo in dib u habeynta dheelitirka wada-noolaanshaha laguna gaadho xal-cusub oo nabad ah.

Meeraha Neptune wuxuu u socdaali doonaa burjiga kaluunka illaa iyo 2026. wuxuu fursad u heli doonaa si daacadnimo ah inuu u fahmo khibrada aadamaha isagoo u haya maskax iyo qalbi furan, Sida;-  Hobolada, salaadiinta, dhexdhexaadiyayaasha, xirfadlayaasha, ama si dhib yar uu u xaliyo  ceeryaanta iyo muragada isku shareertay cirka.
Meeraha Mariikh oo gali doona burjiga kaluunka bisha koowaad iyo labaad  ee sannadkan,   waxa la filan jiray inay leeyihiin dhameystirka  mashaariicda. Runta Allaa Og.

Dr. Maxamed Faarax Qoti
Astrologist 

Wednesday, December 17, 2014

SIYAASIGU WAA KA ARKA DHAMAADKA KAAHA KA IFAYA HOGGA:!  W/Q. Mr. Maxamed Faarax Qoti  December/17th /2014

Siyaasadda Toggan iyo Ta Taban:


Fahamka macnaha Erayada Xisbiyada Siyaasadda Dumuquraadiga iyo Cod bixiyaha.
Siyaasadda Toggan iyo ta Taban:

Siyaasadda togan waxay qayb ka tahay oo lagu qeexaa farshaxanka yoolka qorshaha nidaamka maamulka dowladdnimo, wax-qabad toosan iyo caqli wax-ku-ool ah, waana habka barshada, baadhida, tijaabinta, u kuurgalida qaab-dhismeedka iyo dhaqanka dabiiciga ah ee dunida ka jira.

Mar kale, waxa loola jeedaa awoodda iyo ujeeddada nolosha dadweynaha ama nidaamka ujeeddada ururrada, taasoo tilmaamaysa maamulka iyo aragti ee xisbiyada siyaasaddeed ay isku maamulaan ama ay ugu hoggaasamaan siyaasadda maamulka dowladda. Sidoo kale mararka qaarkoodka waxa loogu yeedhaa inay tahay go’aan ama hadal ujeedo leh, sida; siyaasadda dadka, ururrada, kooxo, tiro qawaaniin ah oo lagu xisaabtamo ama ay tahay mabda ‘hanuuniya go’aannada.

Siyaasadda Togan sidoo kale waxa barbar socda siyaasi, kaas oo lagu tilmaamo inuu yahay sarkaal loo qaabeeyey arrimaha muwaadiniint, loona carbiyey cilmiga siyaasadda kaasoo ku shaqeeya xirfadda maareynta arrimaha muwaadiniinta.

Fahamka ama marka loo isticmaalo sifo ka duwan sifaha aynu kor ku soo sheegnay waxa lagu tilmaamaa inay tahay Siyaasadd Taban, waana farshaxan ilaaq ah, danno kuwaas oo loo eekaysiinaayo in lagu tartamayo mabaadi iyo hoggaamin loogaga faa’ideysto danno gaar ah, dannaha caamka ah ee guud, ama ay tahayba hab lagu daydayo xanuunka, inkastoo ay heli ogyihiin, ha jirto ama yaanay jirinbee, marna waxa lagu qeexaa inay tahay farshaxan qabow oo lagaga urursanayo tijaarta kharashka tartanka ollolaha, codkana dadka saboolka ah, iyagoo waliba kala illaalinaya balanqaadkooda.

Sidoo kalena Siyaasiga Tabanina uu yahay mid had iyo jeer ka fikiraya doorashada soo socota, halka Siyaasiga Togana uu ka fikirayo jiilka danbe.

Balse dadka qaarna waxay aminsan yihiin inuu yahay siyaasigu Dadka (codbixiyaha), sababtoo ah waa kuwo arka dhamaadka kaaha ka ifaya hogga, waanay u soo baxaan, waxaanay iibsadaan hogag badan, waana kuwa kala xusha musharaxiinta siyaasadeed ee xisbiyada.

In kastoo Dimuquraadiyadda lagu qeexo hab loogu tartamo siyaasadda awooda dalka taasoo dadku ay ku doortaan hoggaamiye ku hogaamiya nidaamka siyaasadeed ee dalka u dajisan, iyadoo loo marayo awood siyaasadeed iyo nidaamka siyaasadeed ee la doortay inuu badelo xukuumada hab doorasho oo xor ah.

Sidoo kale xisbiyadda siyaasadeed waa koox ka mid ah dadka oo nidaamsan, iskuna duuban, kuwaas oo leh fikir iyo ujeeddo isku mid ah, una diyaarsan sidii murrashax ay dadweynuhu soo doorteen ugu guulaysan lahaa awooda dalka, inkastoo xisbiyadda qaarkood ay ku mashquulaan kooxo dano gaara leh oo dhaqdhaqaajiya bulshada, kuwaas oo jeclaysta inay awoodda siyaasaddeed ee dalka kulawareegaan hab doorasho ama hab kacdoon.

laakiin xisbiyadaqaarna ma jeclaystaan kooxahahaas danaha gaarka ah leh, sababtoo ah waxay ka lumiyaan ujeedada ilaalinta awoodda qaran iyo xakamaynta geedi socodka siyaasadda guud ee u dajisan Dastuurka qaab dhismeedka shaqo uu siiyey sharcigu. Inkastoo aynaan ku soo koobi karin qormo keliya badweynta siyaasadda, dumuquraadiyadda, xisbiyadda, gabi-dhaclaynta dadka xanbaarsan siyaasadda togan iyo ta taban.

Haddaan u gundo dego maxsuulka qormadaydan waxaynu sidaa ku qiimayn doonaa ujeedada iyo barnaamijyada siyaasaddeed ee saddexda Xisbi qaran ee Somaliland.
Ujeedooyinka xisbiga iyo barnaamijka siyaasaddeed ee xisbiga “KULMIYE” ka sokow waxay Xukumaddii wakhtigaa jirtay ee uu hormoodka ka ahaa Mudane Daahir Rayaale Kaahin, ay ku dhaliili jireen dhibaatooyin isbarkaday oo ahaa dhinaca dhaqaalaha, siyaasadda iyo Arrimaha bulshada, iyagoo soo bandhigaya barnaamijkooda siyaasadeed iyo qorshayaasha ay ku hogaamin doonaan dalka haddii ay ku guulaystaan doorashada.

Taasina waa ta u suuragalisay inay bulshada ka helaan taageero iyo codad badan, sababtoo ah waa habka kaliyaata ee lagu doorto xisbiyada marna waa hab lagula xisaabtamo xisbiyada siyaasadda, iyaguna ay ku xisaabtamaan wixii uga qabsoomay iyo wixii aan uga qabsoomin qorshayaasha barnaamijyadoodii siyaasadeed.

Haddaba barmaamijka siyaasaddeed ee xisbiga “KULMIYE”waxa ka mid ahaa taabbo-gelinta madax-bannaanida iyo ka mid-noqoshada ururrada caalamiga ah iyagoo ah dawlad la aqoonsan yahay, iyo inay dhisi doono bulsho casri ah oo ka xor ah faqriga, jahliga, dulmiga, keli-talisnimd, guud ahaan maamul xumadda weji kasta oo ay leedahay, sidoo kalena ay dib-udhisid ku sameyn doonaan dhinacyadda horumarinta adeegyada dadweynaha, sida wasaaradaha iyo hayadaha dowlada ee qaabilsan u khidmaynta bulshada, hirgalinta kaabayaasha dhaqaalaha dalka sida wadooyinka dalka,wax-barashad, biyaha, caafimaadka, yagleelidda bulsho dimuqraadi ah oo ay saldhig u yihiin mabaadi’da talo-wadaagga ee ka soo jeeda dhaqankeenna iyo diinteenna suuban, baadi-goobka xal-u-helidda dhibaatooyinka gudaha ee ka aloosan meelo ka mid ah gobolada Bariga ee Somalailand.

Dib u habeynta dhismaha ciidanka darajadiisa kala sarrayneed taasoo aasaas u ah kala dambaynta ciidan milateriga, daryeelka dhul daaqsimeedka, curinta habab cusub oo lagu dhaqo xoolaha iyo soo noolaynta seera-daaqsimeedyada, qabashada biyo roobaadka (samaynta harooyin iyo biyo-xidheenno) iyo hakinta biyaha.

Ka hortaga boholaha biyo mareenka ah, diyaarinta xeerka la dagaallanka musuqmaasuqa, u-madax-bannaynta gudashada xilkiisa xafiiska Hantidhawraha Guud iyo horumarintiisaba, In la meel mariyo xeerka saxaafadda ee lam, 27/2004 ee ku salaysan qodobka 32 ee dastuurka, in la abuuro Hay’adda Qaranka Warbaahinta (Public Broadcasting Corporation) oo hoos imanaysa guddi madaxbanaan.


Sameynta xeerka anshax ku dhaqanka warbaahinta, in la kantaroolo adeegyada caafimaadka ee gaarka loo lee yahay, In la baadho isla markaana la ilaaliyo tayada dawooyinka dalka imanaysa,.….. La soco
W/Q: Maxamed Faarax Qoti.
Tell:4426743.

Thursday, July 31, 2014

Somaliland: Government Cautions on Ebola


Somaliland: Government Cautions on Ebola




By: Yusuf M Hasan

July/31/2014

HARGEISA (Somalilandsun) – The government of Somaliland intends to screen all visitors to the country especially those whose journey emanate or has traversed West Africa.

This was informed by the ministry of health Director of sanitation and public health Mr. Mohamed Farah Qoti who said that the screening is geared towards ensuring persons infected with the Ebola virus do not enter the country.

"We have requested the Immigration department to fully cooperate with health officials at all entry points namely within Airports, Borders and seaports" revealed Qoti
According to the ministry of health the screening is only pertinent to those who have been recently in some West African countries like Liberia, Serra Leone and Guinea where the spread of the deadliest to date Ebola has so far claimed 600 lives of the reported infected figure of 1,093.
Should you be afraid of the Ebola threat? The World Health Organization and the US Centers for Disease Control have both said the risk that Ebola will spread beyond West Africa is extremely low. "The virus is difficult to transmit," Gregory Härtl, a WHO spokesperson, told Vox. "Yes, there was this case of a person with Ebola going to Nigeria on a plane, but in all of history, only one or two people with Ebola got on planes.

Stressing on the severity of the virus which has no cure and whose remedy is only quarantining the infected Mr. Qoti who revealed that the government of Somaliland does not have the necessary tools to counter infection said, "Among those reported dead of infection in West Africa including some medical staff gallantly deceased in the course of duties.

Somaliland is not alone in establishing parameters to deter prevalence of the Ebola Virus as other nations have undertaken similar or other related measures
Reference: - http://www.somalilandsun.com/contact-us/44-government/government/6197-somaliland-government-cautions-on-ebola-












Monday, March 31, 2014

Cudurka Halista ah ee EBOLA ee Afrika ku baahay oo laga digay inuu Somaliland u soo gudbo

Cudurka Halista ah ee EBOLA ee Afrika ku baahay oo laga digay inuu Somaliland u soo gudbo



Hargeysa(Aftahannews):- Madaxa Maaraynta Qashinka iyo Ka-xakamaynta Khataraha Deegaanka ee Wasaaradda Caafimaadka Maxamed Faarax Qoti, ayaa ugu baaqay masuuliyiinta dekedaha, madaaradda iyo Laanta Socdaalka inay ka feejignaadaan dadka u kala safra Somaliland iyo dalalka Afrika ee uu ka dillaacay cudurka hallista ah ee Ebola Virus.


Sarkaalkan ayaa qoraal uu soo saaray shalay oo nuqul ka mid ah uu helay Aftahannews, waxa uu ku sheegay in xannuunka Ebola yahay mid halis ah oo aan wax dawo ah lahayn, isla markaana la hayn tallaal lagaga hortago, sidaa awgeedna ay waajib tahay in laga taxadiro isu-socodka waddamada cudurkaas ka dillaacay dalalka Galbeedka Afrika.

Qoraalkaas uu soo saaray Madaxa Qashinka iyo Ka-xakamaynta Deegaanka ee Wasaaradda Caafimaadka Somaliland Maxamed Faarax Qoti ee Aftahannews helay waxa uu u qornaa sidan:-
“Waxaannu la socodsiinaynnaa  dhammaan masuuiyiinta dekedaha,  madaarrada iyo Laanta Socdaalka ee  Somaliland in laga taxadaro isu-socodka dadka ka imanaya waddamada uu ku fiday  cudurka halista ee Ebola Virus, maadaama illaa hadda aannu adduunka ka jirin tallaalka lagula tacaalo ama lagaga hortago cudurka Eboala Virus “EVV,”  sidaa daraadeed maadaama aynnu nahay waddamada soo koraya waa in laga taxadiro dhinaca isu-socodka dadka ka imanaya waddamada cudurkaasi ku faafay inay yimaaddaan dalka Jamhuuriyadda Somaliland.

Hadda sida aynnu wada ogsoonahay waxa la xaqiijiyey inay u dhinteen 672 qof oo ka soo kala jeeday waddamada Guinea, Nigeria iyo Sierra Leone. Tirada guud ee uu aafeeyey waxa lagu qiyaasay ilaa 1,200 oo qof horraantii bishii labaad ee sannadkan.

Cudurka Ebola Virus wuxuu gaadhay heerkii ugu sarreeyey, taasoo maanta adduunka oo dhami fiiro gaar ah oo ay kaga taxadirayaan sidii aannu ugu soo gudbeen cudurka Ebola virus waddamadooda dhinac isu-socodka.  Dalka Nigeria ayaa walaac weyn ka muujiyey nin u dhashay dalka Liberia oo la kulmay in ka badan 30,000 qof, isagoo ninkaasina  cudurka Ebola u dhintay Jimcihii toddobaadkan iyo dhakhaatiir u dhashay Mareykanka oo ka shaqeynayey cusbitaal ku yaal dalka Liberia in uu xannuunkaasi uu haleelay, dabadeedna loo dhoofiyey waddanka Mareykanka.

Sida hadda la xaqiijiyey nin qaba cudurka Ebola Virus oo da’diisu ahayd 20 jir ayaa la dhigay cusbitaal la yidhaa Charing Cross Hospital ee ku yaal magaalada London ee dalka Ingiriiska toddobaadkan, iyadoo nin kale oo dhalashadiisu tahay Ingiriis oo safar ku joogay dalalka Afrikada Dhexe lagu arkay xannuunkan halista ah, lana dhigay cusbitaal ku yaal magaalada Birmingham ee isla waddanka Ingiriiska.
Sannadkii 1976-kii ayaa qaaradda Afrika lagu arkay cudurka Ebola Virus sida la sheegay, waxaanay dhimashadu gaadhay heerkii ugu sarraysay, iyadoo ay cudurkaas u dhinteen dad lagu qiyaasay 286 qof.

Calaamadaha cudurka Ebola Virus waxa kaloo ku weheliya xummad aad u daran, dhiigid iyo dhaawac ku yimaad hab-dhiska dareen-wadayaasha. Cudurkan markuu qofka ku dhaco waxa laga helaa dhiigga, candhuufta, kaadida iyo saxaradda. Waxa kale oo uu qofka ku keenaa caabuq jidhka ah, iyadoo lagu kala qaado taabashada qof xannuunkaas qaba oo jidhkiinu is-taabto.” Sidaa ayuu Maxamed Faarax Qoti ku yidhi qoraalka uu soo gaadhsiiyey Aftahannews.


aftahaninc@gmail.com
Aftahannews.com
Hargeysa/Somaliland.


Sunday, March 30, 2014

“Dr. Macow Wuxuu Doonayey Inuu 40-Kii Ill-Bidhiqsiba Ku Baadho 1 Hal Qof Oo Bukaan Socod, Taasina Ma Waafaqsana Siyaasadda Caafimaadka, Waana In Sharciga La Mariyaa”

“Dr. Macow Wuxuu Doonayey Inuu 40-Kii Ill-Bidhiqsiba Ku Baadho 1 Hal Qof Oo Bukaan Socod, Taasina Ma Waafaqsana Siyaasadda Caafimaadka, Waana In Sharciga La Mariyaa”

 Madaxa Maaraynta Qashinka Iyo Ka Hortaga Khatarta Deegaanka Ee W/Caafimaadka Maxamed Faarax Qoti




Hargeysa, March 30, 2014 (Jamhuuriyanews) – Madaxa maaraynta qashinka iyo ka hortaga khatarta deegaanka ee wasaarada caafimaadka Somaliland Maxamed Faarax Qoti ayaa sheegay in talaabada lagaga joojiyay Dr. Macow hawshii baadhitaanka bukaan socodka ee lacagaha farabadan uu kaga qaaday la kulankiisa ay tahay arrin saxa, isla markaana Dhakhtarkaasi hanaanka uu u agaasimay Baadhitaanada caafimaad ee bukaan socodkii loo sii diiwaangaliyay ay baalmarsan tahay sharciga Caafimaadka.

Maxamed Faarax Qoti waxa uu intaa ku daray in kharashka baadhitaan ee uu ka qaaday bukaan socodka qofkiiba tahay $40, halka muwaadinka dhakhtarka ah ee Somaliland baadhitaanka bukaan socodka ay ka qaadaan qofkiiba 5000 ilaa 2000/Shilinka Somaliland, isla markaana dhakhtarka ugu qaalisan la kulanka bukaan socodka uu qaado $20, ayaa Dr Macow kharash aanay u taag hayn ummada reer Somaliland uu ugu soo shaqo tagay, waxaanu tilmaamay in sharciga la mariyo isaga iyo cidii u fududaysay hawshaasi.

Sidaana waxa uu ku sheegay Maxamed Faarax qoraal uu shalay soo gaadhsiyay wargeyska Haatuf, isla markaana uu kaga hadlay shuruucda caafimaadka u taala iyo habka baadhitaanada bukaan socodka ee dalka u yaala inuu ku gafay Dr Cali Macow.

Madaxa maaraynta qaashinka iyo hortaga khataraha deegaanku isagoo arrinkaasi oo dhinacyo badan taabanaya kaga hadlay waxa uu u dhignaa qoraalkiisu:-
“Horta talaabadan ay wasiir ku xigeenka wasaarada caafimaadka Nimco Xuseen Qowdhan iyo Agaasimaha guud ee Wasaarada caafimaadka Dr. Cusmaan ay shaaciyaan waa arrin waafaqsan qaynuunka siyaasada wasaaraDda caafimaadka  sababtoo ah haddaynu si cilmiyaysan u yara qeexno waxaynu u kala saari karnaa dhowr siyaabood.

1.  Dal ku gal:-  marka hayad ama cid kale ay doonayso in qof ajanabi ahi uu soo gallo dalka, waxay la xidhiidhaan wasaarada markaas xirfadiisa shaqo ay khusayso, waxaanay  u soo gudbiyaan warqad codsiya oo ay ku lifaaqan tahay baasaaboorkiisu si loogu ogolaado warqada ogolaanshaha ee dal ku soo galida taasoo  ku socota wasaarada arrimaha gudddaha, ka dibna sidaas bay wasaarada arrimaha gudduhu ay ugu samaysaa fiisaha dal ku soo galida. markaas Dr. Macow wuxuu ku soo galay ogaalnsho dalxiis, waa siday ka dhawaajisay wasiir ku xigeenka wasaarada caafimaadkuye.

2.  Ku shaqeysiga xirfadda shaqo:  marka ynu eegno dhinaca caafimaadka waxa uu qaynuunka dhigayaa in Dhakhtarkastaa uu u soo gudbiyo codsi ogolaansho ah in uu ka shaqeyn karro dalka iyo shahaadadaha aqooneed ee uu sito inuu u soo gudbiyo wasaaradda caafimaadka iyo guddida mihnadlayaasha caafimaadka qaranka (NHPC) marka ay wasaaradda caafimaadka u gudbiso Guddidaasi Mihnadlayaasha caafimaadka Qaranka ee ay iyaguna hubiyaan, ka dib ayey siiyaan warqad ogolaansho ah inuu ka shaqeyn karro dalka si waafaqsan siyaasada wasaarada caafimaadka. taasi may dhicin inuu soo marro Dr. macow.

3.  Baadhitaanka bukaan socodka :  Wasaaradda caafimaadka xeerka nidaamka shaqo ee u dajisan wuxuu tilmaamayaa in Doctorku eegi karro ama baadhi karro halkii saacba ama saacaddiiba inuu baadhi karro 2-3 qof oo bukaan socodka ah, Habkani waa habka hawl-maalmeedka  Dhakhaatiirta dalku ay u gutaan wajibaatkooda xil-gudasho iyagoo oo maalintii eegaya ama 12 saacadoodba 40 qof oo ah bukaan socodka, markaas halka  Dr. macow uu maalintii ama 12 saacadood uu doonayey inuu baadho 490 qof oo bukaan socodka ah saacadiiba wuxuu doonayey inuu eego 62 qof oo bukaan socodka ah, taasoo noqonaysa in  40 ill bidhiqsi uu baadho  1 qof oo bukaan socod ah, qof bukaan ah lagagama bogan karro 40 ill-bidhiqsi in lagu baadhi karro taasina waxay halis ku tahay bukaan socodka in la siiyo ama uu u qoro daawo khalad ah oo caafimaadkooda  khatar ku keeni karta, iyagoo markoodii horaba la  il-darnaa/la Il-dareyd xaalad caafimaad darro, markaas taasi ma waafaqsana qaynuunka xeerka eegitaanka bukaan socodka ee u dajisan wasaarada caafimaadka iyo guud ahaanba Hay’adda caafimaadka Aduunka WHO,  waana danbiile Qaran waa in sharciga lagu abaal mariyaa.

4. Dhinaca kharash:  waynu ognahay mar-xaladaha wakhtigan xaadirka ah ee dalkeenu marayo  iyo baahiyaha dhaqaale ee ku gadaaman bulshadda reer Somaliland in aanay awoodi karrin qadarka lacageed ee Dr. macow kaadhadhka aragtida loogu jarayey $40 qofkiiba , waxaynu odhan karnaa dhinaca booqashada Dhakhaatiirta dalka jamhuuriyadda Somaliland waxa ugu yar oo lagu booqdaa Dakhtarka kaardhka eegitaanka  lacag dhan 5000 Illaa 20,000 oo shillin Somaliland ah oo u dhiganta $1 illaa $3 dollarka mareynkanka ah, waxa kaliyaatee maanta la odhan karaa dhkhtarka kaliyaata ee  eegitaankiisu u qaalisan yahay Somaliland waa Doctor gaboose oo bukaan socodka ku eega 130,000 oo Somaliland shillin ah oo dhiganta $20 dollarka mareynkanka ah, markaas Dr. Macow wuxuu bukaan socodka ku eegayey lacag dhan 260,000 shillinka Somaliland ah oo u dhiganta $40 dollarka Maraykanka ah  inuu kula kulmo bukaan socodka  qadar  40 illbidhiqsi ku kooban,  lacagta Jeebada ugu dhacday Dr. macow  ee uu ka urursaday dadka bukaan socodka ee somalialnd  waxay dhan tahay 80.000 oo dollarka mareynkaka ah, taasi tilmaanteedu  dadka aqoon yahanka ah muhmal kama gali karro, rabitaanka Dr. Macow iyo kuwa ku xeeran ee shirqoolkan ka waday dalka jamhuuriyada Somaliland.
Hadaba waxaan tallo ahaan ku soo jeedin lahaa in talaabo laga qaado ciddii u fududeysay iyo dadkii bukaan socodka ahaa ee laga qaaday lacagta kuwii ka qaaday iyagana in la soo qabto,  si dadkaasi lacagtoodii dib loogu celiyo, isla markaana talaabo sharciga waafaqsan laga qaado”.

Qoraa Maxamed Faarax Qoti

Thursday, March 6, 2014

Khatarta ka soo fool leh sunta wasiir buureed sheegay in Badda lagu shubay ee aanu qaylo-dhaanta ka bixin.


 

Hargeisa (Haatuf)  5. Murch. 2014. wasiirka wasaaradda kaluumaysiga iyo khayraadka badda Cali jaamac  buureed ayaa 1 bishan saddexaad  war-bixin siiyey qaar ka mid ah warbaahinta, isagoo sheegay oo kaga waramay in maraakiib shisheeye ay sun ku qubeen meelo kamid ah badda Somaliland, balse wasiirku suntaasi khatarta iyo saameynta ku soo fool leh badda iyo deegaanka qaylo-dhaan kamuu bixin.

Tanni maaha wax la sahashan karro summaha iyo wal-xaha kale ee lagu daadiyey  baddeena taasina waxay saameyn khatar ah ku keeni kartaa khayraadka baddeena, deegaankeena iyo caafimaadka bulshadeena , haddii aan laga hortagin, oo aan la iska kaashanin sidii gacan bir ah la iskaga qaban lahaa maraakiibta ku soo xadgudbaysa baddaheena eek u daadinaya sumaha iyo walaxa kale.

Sidaa daraadeed annagoo ka duulayna siyaasadda fayo-dhowrka wasaaradda caafimaadka,  waxaanu qaylo-dhaan u diray dhamaan haydaha caalamiga ah ee Illaada badaha nool inay soo faragaliyaan arrimahan xaasaasiga ah, si loo baadho khatarta sumahan ay ku keeni karaan khayraadka badda iyo deegaankaba, waxa kale oo aanu canbaaraynaynaa  maraakiibta suntan ku daadisay  badda Somaliland iyo xad-gudubka ay ka wadaan  badda Somaliland.

Xukumadda ahaan waxaan ugu baaqayaa in shir-degdeg ah laga yeesho oo aan la dhayalsan khatarta sunta uu sheegay wasiir buureed in lagu daadiyey badda Somaliland, hadday noqon lahayd Wasaaradda Deegaanka iyo Horumarinta Reer Miyiga, Wasaaradda Kaluumaysiga iyo Khayraadka badda, wasaaradda Caafimaadka iyo Baarlamaanka iyo guurtidda.

Madaxa Maareynta Khashinka iyo Ka- Xakameynta khatarta Deegaanka
 Maxamed Faarax Qoti


Tuesday, February 11, 2014

SOMALILAND: FARAHA, FALLAGA IYO AFARTA-MADAX-WEYNE MAXAA KA DHEXEEYA?

                                                                                             
                                                                                                                        11/February/2014



Inkastoo aanay caado ii ahaan jirin wax ka sheega masuuliyiin xijaabtay iyo kuwa hadda nool, haddana   waxaan halkan ku iftiimin doonaa  qormo hore oo  male aadame  aanu ku mala’awaalayey, taasoo ahayd xihiidhka ka dhaxeeya  Faraha iyo Falaga,  isla-markaana,  waxaan akhristayaasha sharafta mudan ee xiiseeya Akhriska iyo qoraalada ay ku  adkaan doonto fahamka qormadanayan,  waa Akhristayaasha ay da’doodu ka yar tahay  30-Sanno jir.



Haddaba marka aynu eegno Faraha ku yaala gacmaha  Aadamaha waxa lagu tilmaamaa inay yihiin Afar-Farood, laakiinse aanay  jirin mid shanaad,  kuwaas oo kala ah sida:-   Far-yarro, Faadumo, Far-dhexo, Murdiso, waxaynu qormadeenan ku eegi doonaa xidhiidhka ka dhaxeeya Faraha, Falaga iyo Afarta Madax-weyne ee Somaliland ka soo taliyey.

Far-yaro : - Waa Farta ugu yar Faraha Gacmaha Aadamaha ku yaal, isla markaana waxa lala  xidhiidhiyaa meere ka mid ah meerayaasha xidigiska ee  illi maqabatayga,  kaasoo loo nisbeeyo dhinaca isgaadhsiinta , iyo jinsiga, sidoo kalena waxa lagu tiriyaa  inuu leeyahay hammo sarre, hindise , xidhiidhin iyo xoriyad maskaxeed, waana kuwo ku xidhan  dadka ugu fiican dhinaca dhaqaalaha eel eh  aragtida fog.

Faadumo:-   Farta- labaad ee faruhu waxay khusaysaa  meerayaasha Apollo iyo  jilboole,  waxaana  loo eegaa  inuu yahay mid leh Abuurid-himilo,  wax-qabad, currin iyo ka midho dhalin,  sidoo kalena  waxa lagu suureeyaa  ruuxi  lagu lamaan yahay.

Far-dhexo:-   Farta dhexe ee faraha waxa lala xidhiidhiyaa  meeraha jilboole, kaasoo lagu tilmaamo cadaalad, wax-garad iyo garawshiyo -la’aan,  waxa kale oo lagu tiriyaa inuu ka sameysan yahay dun xariira oo fiican, xasilooni iyo masuuliyad,  laakiinse, haddii Farta -dhexe ay aad u dheeraato ama faraha kale ka gaabnaato,  waxa lagu macneeyaa in ay tahay astaamaha lagu garto , in aanay dheeli-tirnayn  wadada aad marayso iyo  ta xukumaddaha, dadka la darajada ahi ay maryaan .

Murdiso: -  Tani waa dariiqada hiigsiga horumarka, waxa la xidhiidhiyaa meeraha mushtar, Farta sharaxaada ama  tilmaanta, waxa loo eegaa inay leedahay  dhisid-mustaqbal, dhex-dhexaad, niyad,  tamar, iyo isku kalsooni,  laakiinse, haddii murdisadaasi ka dheeraato farta-dhexe ama ay ka gab-naato waxa ku tusinaysaa dariiqada tayadda hogaamintiisa iyo go’aankiisaba, in  halgan iyo kacdoon laga hor yimaado amaba  si dhib yar uu iskaga dhameeyo.



Maxamed Faarax Qoti

Thursday, January 2, 2014

Somaliland :-Wasiir Beertiiisa ku dhisay Wasaaradda Caafimaadka

                                                                                                                                                                                                                                                                                                                                                                    2nd /January/2014  


Nin walba wax-baa lagu xasuustaaye, waxaan jeclaystay innaan dibada u soo saaro oo aan soo bandhigo wax-qabadka mid ka mid ahaa 10-kii wasiir ee waasaaradda caafimaadka soo maray muddadii Somaliland soo jirtay.

Annigoo waajib iskaga dhigaya innaan intii ogaal kayga ah aan kaga hadlo wax-qabadka taariikhda u galay wasiirkan ka midka ahaa 10-ka Wasiir ee Wasaaradda Caafimaadka soo maray.



Wasiirkan  oo ahaa wasiirkii labaad ee  ugu muddada dheeraa wasiiraddii soo maray Somaliland, Haddana ahaa Wasiirkii ugu muddada gaabnaa  10-kii wasiir ee xil-ka soo qabtay  wasaaradda caafimaadka, wasaaraddaas oo hore loo odhan jiray wasaaradda caafimaadka iyo shaqada, ayaa haddana noqday Masuulkii ugu wax-qabadka badnaa wasiiraddii wasaaradda Caafimaadka iskaga danbeeyey.

Haddaba  yaanan ka fogaan dulucda qormadaydee waxaan  dhawaan booqday Xarunta xafiiska hayadda Caruurta Aduunka ee UNICEF ku leedahay koonfurta magaalada Hargeysa, taasi oo ah  ta ugu weyn xafiisyadda hayaddu ku leedahay dalalka geeska Africa, intaanan galinba waxaan dib u xasuustay sidii ay ku suuro gashay xarun dhul intaa leeg ku fadhida in laga hir-galiyo caasimadda dalkeena ee Hargeysa, ka dibna,  waxaan markiiba ku farxay midho dhalka hiigsigii wasiirkaas wax-qabadkiisa aynu qalinka u qaadanay.

Kaasoo ahaa wasiirkii maskaxdiisa ay ka soo maaxatay in xarun intan leeg ee hayadda caruurta Aduunku ku yeelato Somaliland,  waxaanay taasi suuro gashay markii uu ku dhiiraday in uu dhul uu sigaara u lahaa ugu deeqay hayaddaasi, in kastoo aanu nasiib u hellin isagoo xilka Wasaaradda  Caafimaadka haya in la hir-galiyo.

Lamaan yaabin dhismaha, laakiin, waxa darreen gaar I galiyey hiigsiga iyo arragtida fog ee uu lahaa Cabdilaahi Xuseen Iimaan (Dirawal)  oo ahaa wasiirka caafimaadka  10/August/2006-kii-15/August/2007-kii.

Cabdilaahi Xuseen Iimaan (Dirawal) markii uu siiyey dhulka ay ka hirgalisay xarunta ugu weyn xafiisyaddeeda dalalka geeska Africa, kaliya wuxuu shuruud kaga dhigay in ay Wasaaradda Caafimaadka u dhisto gurriga labada dabaq ah ee hadda wasaaraddu ku shaqeyso, inkastoo  xilka wasiirnimo uu iska casilay haddana nasiib umuu hellin isagoo xil umadda u haya dhameystirka labaddaa dhisme ee aynu ka waranay.

kuwaasoo muhiimadda dalka ay u lee’yihiin ka sakow,  ay aad u kala fog yihiin goorta la qorsheeyey iyo wakhtiga ay fuleen, taasi oo ka markhaati kacaysa  qiyamka iyo arragtidiisa suuban, taasoo ku dheehnayd Wadaniyad  iyo xilkasnimo. 

Inkastoo ay tahay UNICEF Hayaddaha ugu weyn Aduunka, haddana, waxa aan la illoobi karrin doorka muhiimka ah ee ay ugu jirto dalkeena, taasi oo buuxinteedu ay ka mid ahayd arragtiyaha fog ee Cabdilaahi dirawal niyadda ku hayey inay Somaliland xarun ku yeelato,.

Marka dhinaca kale laga eego, waxa ay muujinaysaa in soo dhaweynta shacabka Somaliland oo uu matalayey masuulka dhulkiisa siiyey uu dareensanaa doorka wax-qabadka dalka ay kaga jirto haydda UNICEF,  dhinaca caafimaadka, Wax-barashada, biyaha, Deegaanka, IWM.


Maxamed Faarax Qoti